Ukiortaami kissaateqarpoq
Inatsisartunut ilaasortaq Demokraatillu sinnerlugit aalisarneq pillugu oqaaseqartartoq, Jens B. Frederiksen, Aalisarnermut Piniarnermullu Naalakkersuisumut Finn Karlsenimut ukiortaami kissaateqarpoq.
Allattoq Mads Lynge
decembarip 28-at 2007 14:26
- Neriuppunga Aalisarnermut Piniarnermullu Naalakkersuisup uumassusilinnik immikkut ilisimasallit tusaaniarnerulissagai, Jens B. Frederiksen allappoq.
- Soorlu ukioq manna decembarip ulluisa 20-anni uumassusillit pillugit siunnersuisartut raajat annerpaamik 110.000 tonsit pisarineqarnissaat siunnersuutigigaluaraat, Naalakkersuisup pisassat 127.300 tonsinut killilerpai – tassa siunnersuutigineqartut 15 procentimik qaangerlugit.
- Pisassiissutigineqaqqusat qaangerlugit pisassiineq aasiit peqqutaasinnaasunik saqqummiussaqarani aalajangiunneqarpoq, inatsisartunut ilaasortaq Jens B. Frederiksen allappoq.
