Ukiorpassuarni parnaarussaq iperagaasussanngorunarpoq

Pinngitsaaliisarsimasutut pineqaatissinneqarsimalluni Herstedvesterimi parnaarussaasoq Ole Møller erniinnaq immaqa misiligutaasumik iperagaassaaq. Ole Møller siusinnerusukkut pineqaatissinneqarnini ilanngullugit Nunatsinni Herstedvesterimilu katillugit ukiut 30-t sinnerlugit parnaarussaaqqavoq.
Allattoq Lotte Holm
februaarip 02-at 2009 12:58

Aasianni Eqqartuussiviup sisamanngornermi januaarip 29-anni aalajangiiffigaa Ole Møller misiligutaasumik iperagaassasoq. Kisianni aalajangiineq politiinit nunatta eqqartuussivianut ingerlateqqinneqarpoq.

Ole Møller, ilaatigut pinngitsaaliilluni arnerisimasutut 1994-imi piffissaligaanngitsumik parnaarussassanngortitaavoq.

Eqqartuussissuserisuata Thorkild Høyerip oqaatigaa, atoqatiginnikkusunnaveersaatinik iisartagaqartoq, pisussaaffinilu maleqqissaarlugit inuusoq.

Ole Møller siullermiilinngitsumik Aasianni eqqartuussiviup misiligummik iperagaasussanngorlugu innersuuppaa. Siusinnerusukkummi marloriarluni taama innersuunneqareerpoq. Kingullermik taama pisoqarluni 2006-imi, innersuussulli politiit Nunatta Eqqartuussivianut suliassanngorteqqippaat, tassanilu taperserneqarlutik.

Suliassap Nunatta Eqqartuussivianit qaqugu suliarineqarnissaa suli ullulerneqanngilaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq