Ukiormanna toqutsisimanerit amerlaqaat

Ukiormanna toqutsisimanerit amerlaqaat.

Qaammat una qiteqqutiinnartoq inuit arfineq-pingasut toqutaasimapput – kingullermik Nuummi arfininngormat.

Kingullermik taama amerlatigisunik toqutsisoqarmat ukiumi 2002-mi tamarmi aamma taama amerlatigisimapput.

Toqutsinerit nunap immikkoortuini agguataarluarsimapput, Kangersuatsiami upernaaq anaanaq meeraalu toqutaaneri eqqaassanngikkaanni.

Nuummi politeeqarfimmi pisortaq Bent Heiselberg tamanna pillugu oqarpoq, kisitsisit tunngavigalugit naliliinissaq ajornakusoortoq.

- Toqutsinerit amerlanersaat pilersaarutaanngitsumik pisarput, pinerluuteqarnermullu atatillugu pineq ajorlutik. Patsisaasinnaasumik aalajangersimasumik tikkuagassaqanngilaq. Bent Heiselberg erseqqissaavoq.

Taamaattorli innuttaasut amerlassusaat eqqarsaatigalugit skandinaviami nunanut naleqqiussissagaanni nunatsinni amerlanerujussui erseqqissaatigaa. Danmarkimut naleqqiussissagutta, nunatsinni 10-20-riaammik amerlanerupput.

Toqutsisarnerit ukiuni kingullerni qulini ikiliartulersimagaluarput – 1990-ikkunni agguaqatigiissillugu 14-it toqutaasarsimallutik.