Ukiormanna frimærkimik toqqaasoqarpoq

2012-imi frimærki kalaallit nunaannersumik assiliartaqarpoq. Tassalu arsarnerit John Rasmussenip assilisai frimærkimullu G 492 kingorna assitaliunneqartut. Ukiormanna ferimærkimik toqqaanermut atatillugu aamma unammisitsisoqarpoq, pinnattaassarlu anneq tyskimit frimærkilerituumit Duisburgimeersumit pinnattaarineqarpoq.

Allattoq Peter Troelsen, Simon Uldum

marsip 19-at 2013 07:08

Frimærki G492 maajip 7-iani 2012-imi saqqummerpoq POST Greenlandillu ilaasortaaffigisaata PostEuropip ukiumoortumik EUROPA-Seriaanut siorna ilaatinneqarluni.

Pinnattaassaq anneq 10.000 kr.-inik aningaasartaqarpoq, ajugaasorlu tassaavoq Andreas Quetschke. POST Greenlandip ajugaasoq pilluaqquaa, pinnattaassarlu ajugaasumut nassiunneqassaaq.

Ajugaasussamik 2012-imilu saqqummersunik saammarsaatissatut pinnattussanik qulinik makitsisuuvoq qimussertartoq tunumiu 71-inik ukioqartoq James ”Aninngu” Josvassen, sisamanik ukioqarlunili qimussertalersimasoqqa.

Ajugaasut quliusut tassaapput:

Niels Duelund, Danmark

John Ole Askedal, Norge

Anne-Marie Lillebuen, Norge

Leif Hjalmarsson, Sverige

Johannes Bolinger, Tyskland

Jerzy Lysakowski, Sverige

Bjarne Fogh Schougaard, Danmark

Ian Rasmussen, Grønland

Michael Ball, USA

Dorthea Hansen, Grønland