Ukiorisat apeqqutaallutik initaartalernissaq
apriilip 18-at 2005 05:48
Inatsisartut upernaakkut ataatsimiinnerat nanginneqassaaq.
Tallimanngormat ataatsimiinnermi naalakkersuisut nikinnerat annertunerusumik sammineqarpoq, ullumilu ataatsimiinnermi 2005-imi aningaasaqarneq pillugu nalunaarusiaq oqaluuserineqassaaq.
Tamatuma saniatigut qinikkat siunnersuutaat oqaluuserineqassapput. Ullumikkut oqaluuserisassatut siunnersuutit arlaqartut ineqarnermut tunngasunik imaqarput.
Oqaluuserisassani ineqarnermut tunngasuni ilaatigut siunnersuutigineqarpoq inissiarsuarni initaartitsisarnermut atatillugu initaartussat ukiui naapertorlugit inissitsiterisoqartalernissaa.