Raajat akii assersuutigalugit 2019-imut sanilliullugit 15 procentimik apparput.Assi: KNR/Anton Gundersen Lihn

Ukioq sakkortooq: Aalisakkanik avammut niuerneq 2020-mi 300 millionit koruuninik appartoq

Aalisakkat akiisa ataatsimut isigalugu appariarnerat 2020 aalisartunut pitsaavallaarsimanngilaq. Kisitsisit Kalaallit Nunaanni Naatsorsueqqissaartarfimmeersut tamanna takutippaa.

Aalisartut aalisarnermilu suliallit ataatsimut isigalugit ukioq 2020 nuannerpallaannngitsutut eqqaamasaqarfigissagunarpaat.

Aalisakkat avammut tunisat katillugit 4,7 milliardit koruunit sinnilaarlugit naleqarput, 2019-imut naleqqiullugit 307 millionit koruuninik ikinnerullutik.

Allatulluunniit oqaatigalugu: Avammut tunisat nalingi 6,1 procentinik annikilleriarsimapput. Tamanna Naatsorsueqqissaartarfimmit kisitsisit takutippaat.

AAMMA ATUARUK Naalakkersuisut aalisartunut ikiorsiissutit isumaliutigeqqikkaat

Nunanut allanut tunisaasartut nalingisa tunisat akimikkut appariarsimanerannik pissutaapput.

Raajat kiilumut akiat 15 procentinik appariarpoq, ukiup siulianut naleqqiullugu 6,13 koruuninik akikinnerulerlutik. Saarulliit kiilumut akii aamma appariarput, 6,2 procentinik appariarlutik, qalerallillu kiilumut akii 7,6 procentinik appariarlutik.

Coronap nunarsuaq tamakkerlugu tunillaassuunnera akit appariartorneranut pissutaanerpaavoq. Nunat ilaat soorlu Royal Greenlandimut Polar Seafoodimullu pisisartut matoqqatinnerat ilaatigut pissutaavoq.

Aalisartut eqqorneqarnerlunnerat pissutaalluni ikiorsiissutinik tunineqarnissaat KNAPK-p Naalakkersuisunit piumasaraa.

Tamanna politikkikkut oqallisaasorujussuanngorpoq, ikiorsiissutit qanoq kikkukkunnullu tunineqassanersut isumaqatigiingissutaasorujussuullutik.

Aalisartunut ikiorsiissutit 11 millionit koruunit sinnissagaat, naalakkersuisut siorna novembarimi missingersuutigivaat.

AAMMA ATUARUK Naalakkersuisut aalisarnermik sukaterisut

Sinerissap qanittuani aalisartunut ikiorsiissutit ukiup naanerani atorunnaalersut siorna decembarimi tusarliunneqarpoq, ikiorsiissutillu sivitsorneqanngippata aalisartut suliumajunnaarnissaat KNAPK-p politikerinut sioorasaarutigilerpaa.

Aalisartunut ikiorsiissutit sivitsorneqassanersut sivitsorneqassannginnersulluunniit pillugu misissuisussanik naalakkersuisut suleqatigiissitaliorsimasut, aalisarnermut naalakkersuisup Jens Immanuelsenip kingorna nalunaarutigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat