Ukioq manna timersorneq
Timersornerup silarsuaani immikkut ilisimasallit, nunatsinni nunanilu allani ukioq manna timersornermi pisut eqqaamaneqarfiginerpaasaat tassaapput PAN AM 2018 Nuummi ingerlanneqartoq, OL 2018 Koreami ingerlanneqartoq kiisalu AWG 2018 Canadami ingerlanneqatoq.
Soorliuna OL ukiut sisamakkaarlugit pisartoq ukioq manna immikkuullarissuteqartoq? Elite Sport Greenlandimi, timersoqatigiillu kattuffianni GIF-imi siunnersorti tamanna pillugu ima oqarpoq:
- Immikkuullarissutigivaa akulikinngimmata kalaallit marluk timersortartut OL-imut peqataasarnerat, tassanilu Martin Møller Laila Sallingilu peqataapput, Muusaarannguaq Ostermann Søholm taama oqarpoq, KNR-imi timersornermik aallakaatitsisartoq aamma tassunga isumaqataalluinnarpoq.
AAMMA ATUARUK OL aappassaanik peqataaffigalugu qasukkarsimanarneruvoq
- Oqarsinnaavugut nunarsuarmi OL-i timersornerit katerisimaarnerit annersarivaat taannalu anngunniarfiginissaat ajornakusoortorujussuulluni. Tamaammat taamatut nunatsinninngaanniit marlunnik peqataasoqarsinnaanera isumaqarpunga tanngassimaarutissarujussuusoq, KNR-imi timersornermi aallakaatitassiortoq, Finn Nielsen taama oqarpoq.
AAMMA ATUARUK Unamminerni isertitsinerpassuit
Eqqaaneqaneqartut ilagaat sulorartartut, ukiuni kingullerni timersortartunit ataasiakkaani siuariarfiusimanera. Sulorarnermi ukioq manna takutitsilluarsimasutut innersuunneqartoq tassaavoq Jens Frederik Nielsen, taanna timersullammattut aamma ukioq manna toqqagaasoq. Taanna ukioq manna Islandimut unammmiarnikuuvoq Ruslandimullu EM-eriarluni. Puigunaatsitaasalu ilagaat Ilulissani GM-ertoqarmat.
- GM-erluta Ilulissani tamakkerpakka. Singlemi ajugaallungalu doublemi ajugaallungalu mix doublemi ajugaavunga. Taannalu ukiut tulleriit marluk maannakkut taamaappoq, guldit tamakkerlugit tiguakka, Jens Frederik Nielsen Marie Kuitse Kristensenimut taama oqarpoq.
