Ukioq manna avaleraasartoorniarneq naammassineqarpoq
Pisarineqartulli aningaasaqarnermut Naalakkersuisup Vittus Qujaukitsup naammagisimaarpallaarnavianngilai, tassami misileraalluni avaleraasartoorniarneq siornamut naleqqiullugu pitsanngoriaateqaraluaqisoq, aalisariutit 18-20-usut avaleraasartuut misileraanermi pisassiissutigineqartut 100.000 tonsiusut tamakkerlugit pisarinngitsoorpaat.
Taakkumi tamakkerlugit pisarineqarnissaat Naalakkersuisut Nunatta karsiata missingersuutaanut isumalluutigigaluarmatigik.
AAMMA ATUARUK Tunup imartaani avaleraarsartooqarluarpoq
Avaleraasartuut misileraalluni aalisarnermi pisarineqartut 78.000 tonsiupput. Naak aalisartut Naalakkersuisullu 100.000-iunissaannik neriuuteqaraluartut.
Aalisagartassiissutinik nakkutiillisoqarfiup erseqqissarpaa, kisitsisit allannguuteqalaarsinnammata, tassa aalisariutit nalunaarsugaat tiguneqarsimaleriarpata.
AAMMA ATUARUK Tunup avataani avaleraasartoorniarneq ingerlalluarpoq
Avaleraasartoorniarneq aningaasanut inatsimmut pitsaanerpaanngikkaluartoq Nunatta imartaani aatsaat taama amerlatigisunik avaleraasartuunik pisaqartoqarnera nuannaarutigineqarsinnaavoq. Kalaallit aalisartuisa allamiullu aalisariutaasa attartorneqartut avaleraasartuut siorna pisarisaat 53.000 tonsiupput. Tassa ukiormanna pisarineqartunut naleqqiullugit taakku 25.000 tonsinik ikinnerupput.
