National Geographic Ukioq manna assi Upernavimmeersuusoq

Assiliisartup Weimin Chup qaammatini pingasuni Kalaallit Nunaanni inuuneq pillugu pilersaarusiamik assiliilluni angalanermini, Upernavimmi assilisani atuagassiami National Geographicimi ukiumoortumik angalanermi assilisanik unammisitsinermi ajugaassutigaa.

Upernavimmi ukiukkut sila 30-nik issilluni avannersoq mittarfiup eqqannguani illut qalipaatigissut pinngortitarlu kusanarluinnartoq avatangiiseralugit assilisaraa. Tassani tarrajunneranik eqqorluaalluni assiliineq ukkataraa. Taamaalilluni Weimin Chu National Geographicimi unammisitsinermi angalalluni assiliinermi ajugaavoq.

- Qalipaatit, sunalu tamarmi oqaluttuartutullusooq sammivimmi uani kusanarluinnartumiippoq, ingammik seqerngup tarrikkiartornerani. Neriuppunga inuit pinngortitamik tunuliaqutaqartut pisuttut pinnguartulluunniit takussallugit, nuannaarutigeqaarami takugakkit, aqqusinermi qulliit qaammaqqutigalugit pisuttut, Upernavimmi angalanermini assiliisoq Weimin Chu National Geographicimut oqarpoq.

Assi taanna ajugaassutigisani amerikamiut aningaasaanik $ 7,500-nik, tassa 49.742,79 koruunik akissarsissutigaa. Aamma inuit attaveqaqatigiittarfianni Instagramimi National Geographic Travelip quppernerani ilanngutassiissalluni. 

Upernavik qeqertaavoq piniartoqarfiulluni, Kalaallit Nunaata kitaata avannaaniilluni. Oqaluttuassartagilluarpaalu illut qalipaatigissunik qalipaateqarmata: Pisiniarfimmit aappalaartumit piniartukkormiut illuannut tungujortumut. Taakkua pinngortitami apummik qallerneqarsimasumi immikkoortitsissutigineqarsinnaapput. Qaammatinilu pingasuni assiliinermik ukkataqarluni angalanermini tamaani assiliivoq.   

 

Atuagassiaq tamaat uani atuarneqarsinnaavoq:

https://www.nationalgeographicpartners.com/press/2019/6/winners-of-2019-travel-photo-contest/  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat