Tokyomi aasaanerani OL-ertoqarnissaa juulip ulluisa 24-anni ammarnersiorneqartussaagaluarpoq, coronavirusilli nunani tamalaani tuniluutilernera pissutaalluni IOC-mit sapaatip-akunnerata siuliani marlunngornermi kinguartinneqarluni.Assi: Usa Today Uspw/Usa Today Sports/Ritzau Scanpix

Ukioq manna aasaanerani OL-ernissaagaluaq aappaagu ammarnersiorneqassasoq

Tokyomi ukioq manna aasaanerani OL-ertoqarnissaa qanittukkut taamaatiinnarneqarallartoq aappaagu pisussanngorpoq.

Tokyomi aasaanerani aappaagu 2021-mi juulip ulluisa 23-annit aggustip ulluisa arfineq-pingajuata tungaanut OL-ertoqarnissaa, OL-imik Japanimi aaqqissuussisut, nunallu tamalaat OL-imut ataatsimiititaliaata IOC-p isumaqatigiissutigaat.

Japanimi aaqqissuussisut præsidentiata Yoshiro Morip tamanna ataasinngornermi uppernarsarpaa.

Nunat assigiinngitsut timersortartuminnik peqataatitserusussimanngitsut

Tokyomi aasaanerani OL-ertoqarnissaa juulip ulluisa 24-anni ammarnersiorneqartussaagaluarpoq, coronavirusilli nunani tamalaani tuniluutilernera pissutaalluni IOC-mit sapaatip-akunnerata siuliani marlunngornermi kinguartinneqarluni.

Aasaaneranilu OL-ertoqarnissaata nutaamik ullulerneqarnera, maanna tassa sapaatip akunnera ataaseq qaangiutilersorlu nalunaarutigineqarpoq.

Nunat assigiinngitsut timersortartunik aasaru Tokyoliartitsiniannginnertik siusinnerusukkut nalunaarutinikuuaat, IOC-lu OL-imillu aaqqissuussisut nunanut kimigiisertut taamaasillutik tusaaniarsimavaat.

Isummersuutit