Ukioq kissarnerpaaq
Silaannaap kissassusaa ukioq manna kissarnerpaanut ilaassaaq, ilisimatooq professor Phil Jones, silaannaap pissusaanik ilisimatusarnermi tuluit nunaanni East Anglia University-mi pisortaasoq taama siulittuivoq.
Inuit pilersitaannik silaannaap kissakkiartornera ukiut qulit qaangiukkaangata 0,1 gradimik 0,2 gradenilluunniit kissaallattarpoq. Kissakkiartornerup saniatigut kiassuaq El-Nino-mik taaneqartartoq ukioq manna aallartittussaq Manerassuarmi imeqarnerulersitsissaaq. El Nino, kingullermik silaannarmik allannguititsivoq ukioq 1997-imi 1998-imilu, taamanikkut siallerujussuartarpoq anorersuartarlunilu. El Ninõ Manerassuarmi Indiallu imarpiani kiarujussuartitsinngikkuni nunamik panertitsilersarpoq.
East Anglia University-mi silaannaap pissusiinik ilisimatuut ukiumi ataatsimi alapernaarsuereerlutik siulittuuteqartut oqaatigaat Tuluit Nunaanni ukioq 2006 kiannerpaasimavoq, soorluttaaq DMI-mit ilisimatitsissutigineqartoq Nuuk Danmarkilu ukiumi qaangiuttumi kiannerpaasimasut. Ukioq qaangiuttoq nunarsuaq tamakkerlugu kiannerpaaffiit arfernattut nalilerneqarpoq.
