Ukioq 2010 tassaavoq Canadami naggueqatigiit Inuit ukiuat
Canadami naggueqatigiit Inuit siuttui, inatsisartuni ilaasortat, Canadallu issittortaanut soqutiginnittut sisamanngormat naapipput.
Inuit Tapiriit Kanatami naapeqatigiinnermik aaqqissuisuupput.
Naggueqatigiit Inuit inuuniarnerat nunarsuarmioqatigiinnit maluginiarneqarnerunissaat, Mary Simonip, Inuit Tapiriit Kanatami siulittaasup oqalugiaammini oqaatigaa.
Nunavummili naalakkersuisut siulittaasuat Eva Aariak oqarpoq ukioq 2010 naggueqatigiit Inuit ukiuattut naammanngitsoq, ukiullu takkuttussat aamma taamaannissaat neriuutigalugu.
Naggueqatigiiit Inuit pillugit avammut tusagassiillaqqinnerpaamut nersornaasiisoqartalernissaa Inuit Tapiriit Kanatamip siunniuppaa, siulliullunilu nersornaaserneqartoq tassaavoq Peter Mansbridge.
Mansbridge Canadami tv-kkut tusagassiisarnermigut ilisimaneqarluarpoq, Canadap issittortaani angalasarnerpassuani tusaamasaassutigalugit.
Naggueqatigiit Inuit Canadami ukianni pisussarpassuaqarpoq, meeqqallu inuusuttullu ilaatigut qitiutinneqassallutik.