Naalakkersuisut siulittaasuata, Kim Kielsenip (S) nipisattassiissutinut tunngatillugu suliaq ukiakkut ataatsimiinnermi sammineqarnissaa naatsorsuutigisinnaavaa. Kukkunersiuisummi ataatsimiititaliaa suliamut Kim Kilesenip nipisattassiissutinik qaffaaqataanermi saniatigut umiatsiaaqqaminik aalisartumut attartortitsisimaneranut atatillugu sakkortuumik uparuaateqarpoq.Assi: KNR / Malik Brøns

Ukiakkut ataatsimiinneq isumaqatigiinngiffiulluni aallartissasoq: Naalakkersuisut marluk navianartorsiortut

Inatsisartut siulittaasuata ukiakkut ataatsimiinneq aqagu aallartissavaa. Naalakkersuisooqatigiillu illuatungiliuttullu isumaqatigiinngiffeqarlutik ataatsimiinneq aallartissaaq.

Inatsisartuni ukiaanerani ataatsimiinneq tallimanngorpat aallartinneqarpat ilaasortat ulapputissapput.

Ukiakkut ataatsimiinneq 2020 

 

Inatsisartuni ukiakkut ataatsimiinneq septembarip ulluisa 25-anni nalunaaqutaq 11.00 aallartissaaq, novembarillu ulluisa 25-ata tungaanut ingerlassalluni.

 

Tamatuma kingorna Inatsisartut unikkallassapput, ukiukkullu ataatsimiinnermi 2021-mi februaarip ulluisa 16-iannit marsip ulluisa aappaanut ataatsimiinnermi ataatsiinnerat ingerlaqqissalluni.

 

Ukiakkut ataatsimiinnermi siunnersuuterpassuit oqallisigineqartussaapput.

 

Inatsisartunit immikkoortut nutaat 56-it Naalakkersuisuniillu immikkoortut nutaat 32-t oqallisigineqassapput.

Politikkikkummi nipisattassiissutinut mittarfinnullu tunngatillugu suliat pillugit isumaqatigiinngittoqarpoq.

Marlunnik tatiginninnginnermik nalunaaruteqartoqarniarpoq. Aappaa Kim Kielsenimut aappaalu Karl Frederik Danielsenimut tunngapput.

AAMMA ATUARUK Revisionsudvalget rejser skarp påtale af Kielsen i stenbidersag

Naalakkersuisut siulittaasuata, Kim Kielsenip (S) nipisattassiissutinut tunngatillugu suliaq ukiakkut ataatsimiinnermi sammineqarnissaa naatsorsuutigisinnaavaa. Kukkunersiuisummi ataatsimiititaliaa suliamut Kim Kilesenip nipisattassiissutinik qaffaaqataanermi saniatigut umiatsiaaqqaminik aalisartumut attartortitsisimaneranut atatillugu sakkortuumik uparuaateqarpoq.

Illuatungiliuttut partiiata nipisattassiissutit pillugit suliaq ukiakkut ataatsimiinnermi oqallisigerusuppaat

Illuatungiliuttut Inuit Ataqatigiit, Partii Naleraq, Atassut Suleqatigiissitsisullu Inatsisartut siulittaasoqarfianut qinnuteqaammik nassiussipput.

Tamanna illuatungiliuttut partiivini siulittaasut inatsisartut siulittaasoqarfianut allagaani KNR-ip pissarsiarisaani allassimavoq.

Taakku allagaqarnerminni Kukkunersiuisut ataatsimiititaliaata nalunaarutaa Kim Kielsenillu nipisattassiissutinut tunngatillugu atuunnera oqallisigineqartussanngortinneqarnissaa piumasaraat. Illuatungiliuttut tamanna ataatsimiinnerup aallartinnerani oqallisigineqarsinnaassasoq neriuutigaat.

AAMMA ATUARUK Aleqa Dorisilu Kukkunersiuinermut ataatsimiititaliamit aamma misissorneqarnikuusut

Taamaanngippammi nipisattassiissuteqarnermut suliaq oqallisigineqanngikkuni uteqqiajuassasoq, Inuit Ataqatigiit siulittaasuat, Múte B. Egede oqarpoq.

- Pisoq imaannaanngimmat, aamma inissinneqapallattariaqarmat. Taamaanngippat sivisoorsuarmik oqallisaajuarlunilu uteqqiajuarnissaa naatsorsuutigineqartariaqarmat, Múte B. Egede oqarpoq

Suleqatigiissitsisut siulittaasuat, Tillie Martinussen isumaqataavoq.

- Oqallisigipallakkutsigu naalakkersuisooqatigiinnerullu suunera siunissamullu kingunerluutigisinnaasaat pillugit oqaluuserinnikkutta ingerlariaqqipallassinnaavugut, taanna oqarpoq.

Siulittaasoqarfiup immikkoortoq taanna oqallisigineqartussanngortinniarneraa, Inatsisartut siulittaasuata, Vivian Motzfeldtip KNR-imut uppernarsarusunngilaa.

Ilisimatusarfimmi inuiaqatigiilerinermut ilisimatuup, Birger Poppelip oqarnera naapertorlugu Kim Kielsenip illuatungiliuttunit tatiginnikkunnaarnermik taasissutigineqarniarnera ilimanaateqarluinnarpoq.

- Illuatungiliuttuni partiip ataatsip partiilluuniit arlallit ataatsimoorlutik tatiginninnginnermik taasisitsinissaat ilimanassuseqangaatsiarpoq.

Partii Naleraq Karl Frederik Danielsenimut suli tatiginninngitsoq

Tamatuma saniatigut attaveqatigiinnermut naalakkersuisumut, Karl Frederik Danielsenimut (Siumut) aamma tatiginnikkunnaarniartoqarpoq. Tamanna ukiakkut ataatsimiinnermi taasissutigineqanngilaq.

Partii Naleraq Karl Frederik Danielsenimut ukioq ataaseq matuma siorna nalunaaruteqarniaraluarpoq - partillu Karl Frederik Danielsenimut suli tatiginninngilaq.

AAMMA ATUARUK Karl Frederik Danielsenimut tatiginnikkunnaaqqusiniarneq qatangiinnartoq

- Naalakkersuisumut, Karl Frederik Danielsenimut kiffartuussinissamut isumaqatigiissutit, mittarfeeqqat mittarfiillu pillugit pilersaarutit nalinginnaasumik pissutigalugit tatiginnikkunnaarnermik siorna taasititsiniaraluarpugut.

- Siornali isornartorsiutigut suli pitsannguuteqanngillat. Tatiginagu taamani oqariartuuteqarnitta tunngavilersuutaa suli atuuppoq, suli tatiginarnerusutut inissinngilaq, Partii Naleqqamit, Pele Broberg oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat