Ukiaanerani ataatsimiinneq: Akitsuutit suliffissaqartitsissasut
![](/sites/default/files/styles/image_934x467/public/article_images/13._tomme_siumut_pladser_i_inatsisartut_0_1.jpg?itok=Zd7awGlp)
Meeqqat pisinnaatitaaffiinut tunngasut, aalisarnerup iluani allannguinernut tunngasut aamma suliffissaaleqinerup akiorneqarnissaanut tunngasut. Tassa Naalakkersuisut siunnersuutiminni pingaarnertut isigisaat.
Qalerallit Nunatsinni tunisassiarineqartassapput
Suliffissaaleqinerup akiornissaanut siunnersuutit marluk tigussaasutut Naalakkersuisut siulittaasuata taavai. Siulleq qalerallit suliareqqaarnagit tunisassiarineqartartut akitsuuserneqartalernissaannut siunnersuutaavoq.
Taamaaliornikkut siunertarineqarpoq, qalerallit nunatsinni suliareqqaarneqarnerulernissaat, taamatullu suliffissanik pilersitsinissaq.
- Nunatsinni aalisakkat suliareqqaarnagit suliarineqarnerat annikillisarniarparput sulisussagut sulerusummata. Aamma Nunatsinni aalisagaatitta nalitusarneqarnissaat ingerlakkusukkatsigu, Aleqa Hommand KNR-imut oqarpoq.
Umiarsuarnut takornariartaatinut akitsuut peerlugu appartilluguluunniit
Suliffissanik pilersitsisinnaasut aappaattut tikkuarpaat, takornariat umiarsuarmik tikittartut akitsuutinik akiliisarunnaarnissaat - imaluunniit akitsuut akilertagaat apparneqassasoq.
Taamalilluni takornariaqarneq annertusarniarneqarpoq, suliffissanillu pilersitsisussatut takorloorneqarluni.
- Uagut nunanut unammillertitsinnut sanilliullugu akisuallaaqaagut. Qammaanissarput kajuminnarnerussappat akitigut tulluarsartariaqarpugut. Naatsorsuutigaarput takornariat amerlanerusut nunarput tikinnissaa toqqartalissagaat, Aleqa Hammond isumaqarpoq.