Timersorneq

Ukaleq VM-imi unammeqqilersoq

Ukaleq Slettemark kalaallini siullersaalluni sisoraaserluni ooqattaasarnermi sapaatiummat nunarsuarmi pissartanngortoq.

Allattoq Thomas Munk Veirum

februaarip 01-at 2019 08:05

Nutserisoq Simon Uldum

Sisoraaserlunilu ooqatassaarsartoq inuusuttut nunarsuarmi pissartanngorniunnerini Slovakiami ullumi aamma unammeqataassaaq.

6 kilometerinut sprinterluni oqilaniunnermut marloriarluni ooqattaasarfiusumut peqataassaaq. Ooqattaasarnerillu pallorluni nikorfallunilu pissapput, unioraannilu pillaatitut 150 meterinik sisoraaserluni ingerlaartoqartassaaq.

Ukaleq Slettemark siorna unammisoqarmat normu 10-nngorpoq.

AAMMA ATUARUK Ukaleq Slettemark: Nunarsuarmi pissartanngorluni misigisaq tupinnaqaaq

- VM ammaanersiorlugu unamminermi takutitsilluaqaluni ajugaanerup kingorna eqqissiiminiarnissaq piareersimaniarnissarlu ajornakusoorsinnaasarpoq, ullunili sisamani qasuersaarfeqarnerup iluaqutaasimanissaa neriuutigaarput, Nunatsinni sisoraaserlutik ooqattaasartartut kattuffiat taama allappoq.

Unammineq nunatsinni nalunaaqutaq malillugu qulinut aallartissaaq.

Unammineq, piffissat atorneqartut ooqattaasarnermilu angusat nittartakkami biathlonresults.com-imi toqqaannartumik malinnaavigineqarsinnaapput.

AAMMA ATUARUK Tulluusimaarutigeqaara

AAMMA ATUARUK Ukaleq Slettemark vinder VM-guld