Ukaleq Slettemark (qeqqaniittoq) januaarip 27-ani Slovakiami inuusuttut nunarsuarmi pissartanngorniunneranni ajugaavoq.Assi: Grønlands Biathlon Forbund

Ukaleq Slettemarkip Norge Cuppimi peqataanini unitsikkaa

Sisoraaserluni ooqattaasartartoq, Ukaleq Slettemark nunarsuarmi pissartanngorniutereerlunilu ajutooqattaarpoq. Taamaammat Norge Cuppimi peqataanini maanna unitsippaa EM-imilu peqataanissani aallunneruniarlugu.

Sisoraaserluni ooqattaasartartoq 17-inik ukiulik, ukiumi kingullermi ingerlalluarpoq. Siorna Norge Cuppertoqarnerani ajugaavoq Ukaleq Slettemarkilu inuusuttut (U19) 10 kilometerimi nunarsuarmi pissartanngorniunneranni qaammat ataaseq matuma siorna ajugaalluni.

Ukaleq Slettemark Norge Cuppimi juullinngitsiartoq siuaqqagaluarpoq tamatumali kingorna siorna ajugaanerminik illersuerusunneranut assigiinngitsut aporfiupput.

AAMMA ATUARUK Ukaleq Slettemark inuusuttut nunarsuarmi pissartanngorniunneranni angusarissaaqqippoq

Nunarsuarmi pissartanngorniunnermi peqataanera ukioq manna unamminermi siullertut peqataanngitsoorfiuvoq, tullissaanilu napparsimanini pissutigalugu peqataanngitsoorluni, taamaammat sisorartartup Norge Cuppimi ukioq manna peqataanini maanna unitsiinnarpaa.

Inuusuttup ajutooqattaarneri IBU Junior Cuppimi peqataanerani ilaqqipput. Matumani qoorortuuata nammaataa qasoorpoq tamannalu kinguaattuussutigalugu.

AAMMA ATUARUK Ukaleq Slettemark: Nunarsuarmi pissartanngorluni misigisaq tupinnaqaaq

Sisoraaserluni ooqattaasartartup EM-imi U22-mi sapaatip akunnerani matumani peqataanissani sukataarutiinnarniarpaa.

Unammersuarneq Norgemi Sjusjøenimi ingerlanneqassaaq pingasunngorpallu siullermik unammisoqassalluni, tassani 10 kilometerinut sukkaniuttoqassaaq. Isorartussuseq taanna Ukaleq Slettemarkip nunarsuarmi pissartanngorfigaa.

Unamminerli sakkortunerussasoq naatsorsuutigineqarpoq, EM-imimi unammeqataasut Ukaleq Slettemarkimit ukiut sisamat tikillugit angajulliupput.

Ukaleq Slettemark EM-imi sprintimik unamminermi arfininngorpat aamma peqataassaaq.

AAMMA ATUARUK Ukaleq Slettemark nunarsuarmi pissartanngorpoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat