Legatit timersortartunut timersuutinik eqaarsarnerunnginnerusutut taaneqartartunut tunniunneqartarput. Assi: Grønlands Biathlon Forbund

Ukaleq Slettemark OL-imut legatinnattoq: Isumalerujussuuvoq

Ukaleq Slettemark Dansk Idrætsforbundimit legatimik tunineqartut sisamaasut ilagaat.

Sisoraaserluni ooqattaasartartoq Ukaleq Slettemark OL-imut legatinnappoq.

Danmarkimi Sisorartartut Kattuffiat nittartakkamini allappoq. 

Legatit timersortartunut timersuutinik eqaarsarnerunnginnerusutut taaneqartartunut tunniunneqartarput. Taamaammat sisorartartunut OL-imi peqataanissamik anguniagaqarusuttunut tapersiissuteqarnissaq periarfissaavoq.

Ukaleq Slettemarkilu matumani tapiiffigineqarpoq.

- Isumalerujussuuvoq tulluusimaarnaqalunilu. Timersuutima ingerlalluarnissaanut tamanna isumaqarpoq. Ulluinnannut oqilisaataasorujussuussaaq, Ukaleq Slettemark oqarpoq.

AAMMA ATUARUK Ukaleq Slettemark Slovenienimi normu 6-inngorpoq

Sisorartartut klubbiannit Hareskovimit Ida Brøns tassanilu klubbimit Casper Dyrbye kiisalu Hobromi sisorartartunit Marcus Vorre aamma legatinnapput.

Timersortartut legatinnattut tamarmik ”OL-imi ajugaaniunnermi anngunnissamut periarfissagissaartutut, ilungersortutut, pingaartitsillutik iliuuseqartutut angusarissaarluartussatut aamma Danmarks Skiforbundimut Danmarks Idrætsforbundimullu illorrisimaartitsisussatut nalilerneqarput”, sisorartartut kattuffiat legatimik tunisinermut atatillugu paasissutissiivoq.

Nunat tamalaat olympiademut ataatsimiititaliaata suleqatigineratigut legatimik tunisisoqarpoq.

Legatimi qanoq aningaasartaqartigineqarsoq suli paasissutissiissutigineqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat