Assi: Grønlands Biathlon Forbund

Ukaleq Slettemark Norgemi siuttuusoq

Ukaleq Slettemark Norgemi Cuppenimi sisoraaserluni ooqattaasarnermini 1-inngorlunilu 2-nngornermini siuttutut inissisimavoq.

Sisoraaserluni ooqattaasartartoq, Ukaleq Slettemark Norges Cuppenimi inuusuttut 17-init 19-inut ukiullit akornanni unamminermi siuarsimavoq, Sisoraaserluni ooqattaasartartut kattuffiat paasissutissiivoq.

Inuusuttoq sisoraaserluni ooqattaasartoq cuppimi unamminerni siullerni marlunni sapaatip akunnerata naanerani ingerlanneqartuni takutitsilluarluni siuttunngorpoq.

Foto: Grønlands Biathlon Forbund

Ukaleq Slettemark arfininngornermi ataatsimoortumik aallartinnermi ajugaavoq. Unamminerup immikkoortuani kingullermi 20-riarluni ooqattaasarnermi marlunnik uniornermini normu 2-nngorpoq. Slettemarkili sukkaneruvoq sukkasuumillu kuultinnalluni.

- Uannit isigalugu sukkaniunnerulluarpoq. Ooqattaasarnertaani uniorneq uuminartuaannarpoq kisianni 20-nit 18-it eqqorneri ajunngilaartukasiuvoq, Ukaleq Slettemark oqarpoq.

AAMMA ATUARUK Ukaleq Slettemark Norges Cuppimi ajugaasoq

Sapaatiummat unamminermi uniornertaqanngitsumik ooqattaasarpoq ajugaasumiillu 11 sekundiinnarnik arriinnerulluni. 

AAMMA ATUARUK Slettemark IBU Junior Cupimi angusarissaarluaqqittoq

Ukaleq Slettemarkili Norges Cuppenimi inuusuttut unammineranni maanna siuttuuvoq, ukioq kingulleq tassani aamma ajugaavoq. 

Sisoraaserluni ooqattaasartoq Slovakiami februaarip aallartinnerani junior-VM-ertoqarnerani tulliani peqaassaaq.

Isummersuutit

Atuarneqarnerit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat