Ukaleq nujuartaq Norgemi eqqumiilliortoq
Norgemiup qimussertartup ukallit nujuartat ataqqisariaqarlugit issaannaq uppernarsivaa.
Reisap qoorortaani Wenche Offerdal qimussertilluni ukaleq angisooq takulersimavaa.
- Saneqqukkama meterit qulit missaanni illinerniit ungasissuseqarpoq. Qimaanissaa qimmimaluunniit malersuinissaat ilimagisimavara, kukkorujussuarpungali, Wenche Offerdal oqaluttuarpoq.
Ukallip qimmit kamanaagiummerpai saassullugillu. Ukaleq qimmillu paggitingaatsiarput, soorlumi tassa toqunniutiviinnallartut.
- Qimmit tupattorujussuupput. Taamaaleruttortoq qimusseq alla paggiffiusumut annguppoq. Annguttorlu ukaleq saassusseqqinniarpasittutut isikkoqarpoq. Qimmit qaninnerit qingaasa nuuisigut keeriarlugit qulaallugit pissippoq, qimaallunilu orpippassuarnut tarrilluni, qimussersoq taama naggasiivoq.
