Ujarassiornermik ilinniartitsisoqassaaq
Kalaallit Nunaanni ujarassiornermik soqutigisalinnut nuannersumik nutaarsiassaqarpoq.
maajip 30-at 2008 10:31
Sulisitsisut peqatigiiffiata GA-p Aatsitassanut pisortaqarfik aamma Grønlandsbankip inuussutissarsiutinut aningaasaateqarfia suleqatigalugit 2008-mi ujarassiornermi aatsitassarsiornermilu ilinniartitsinissamut periarfissiipput. Tassalu imaappoq, Kalaallit Nunaata ujaraat pillugit soqutiginnittorpassuit ukioq manna periarfissinneqassapput nunap qaarsuineersunik ilinniartinneqarnermikkut nutaanik paasisaqarsinnaanerminnik.
Ilinniartitsilernissamik neqeroorneq 200.000 koruuninik aningaasaliiffigineqarpoq, kingusinnerusukkilli paasinarsiumaarpoq kina suliffeqarfilluunniit sorleq ilinniartitsisuutinneqassanersoq.
Soqutinnittunut qinnuteqarnissaq kingusinnerpaamik juunip 20-ianut killeqartinneqarpoq.
