Ujarassiorneq aallartereerpoq

Akissarsiassat akileraarutitaqanngitsut katillutik 120.000 koruuniupput, taakkunanngalu ajugaasup ujaqqamillu soqutiginarnerpaamik nassiussisup 55.000 koruunit pissarsiassarai.

- Inuussutissarsiutiginagu ujarassiortut Kalaallit Nunaanni inuit allattorsimaffianni nalunaarsorsimasut kisimik peqataasinnaapput, aamma ujaqqat nunatsinneersut kisimik nassiunneqarsinnaapput, ilaatigut taama Aatsitassarsiornermut Pisortaqarfik ilisimatitsivoq.

Ujarassiorimmut nassaanik nassiussivissaq kingulleq ukiormannaoktobarip aallaqaatigivaa.

- Allakkerivimmi pineqarsinnaapput unamminermi peqataasut nassiussilernermi atugassaat aammalu immersugassaat. Nassiussineq akeqanngilaq, Aatsitassarsiornermut Pisortaqarfik taama nalunaarpoq.

Vittus Sakæussen Tasiilameersoq 'Ujarassiorit' siorna unammisitsinerani 55.000 koruuninnalluni ajugaavoq. Vittus Sakæussenip ujarak ajugaassutaa taartuuvoq korundilik, tassa safiri aappalaarujuttoq.

Ujarassiorit ukiut 20-t sinnerlugit ingerlanneqareerpoq.