Ujarassiorit akissarsisitsivoq

Ujarak qavani Ikerasassuarmeersoq zinkimik, kanngussammik sølvimillu akulik, ukioq manna ujaqqerituunut Ujarassiorit 2005, nuna tamakkerlugu unammisitsinerani ajugaasuuvoq.

Paulus Benjaminsen Nanortallup pigisaani Aappilattuneersoq taamaalilluni juullimi tunissutisivoq katillugit 55.000 koruuninik akileraarutitaqanngitsunik pissarsigami.

Normu 2-jusut marluupput taakkulu 25.000 koruuninnapput. Tassaapput Meerannguaq Steenholt Kangaatsiameersoq, tassuma ujarak nassaava lithium-imik kanngussammillu akoqarpoq. Aningaasannaqatigaa nunaqqatini Karl P. Lundblad, tassuma nassaava ujarak kanngussammik, bismuth-imik sølv-millu akoqarpoq.

Allat pingasut akissarsiassat pingajuat tamarmik immikkut 6.000 koruninik aningaasartalik pissarsiaraat. Allallu arfinillit qimmassaatissarsinneqarput tamarmik immikkut 2.000 koruuninnallutik.

Grønlandsbankip Inuussutissarsiornermut Aningaasaateqarfia ukiut tallimassaa, akissarsisut annersaannut tullianullu 55.000 koruuninik akileraaruteqanngitsunik aningaasaliivoq.

Aatsitassanut Ikummatissanullu Pisortaqarfiup 80.000 koruunit akissarsiassanut atugassiissutai ilanngullugit, ukioq manna aningaasat akileraaruteqanngitsut 135.000 koruunit ujaqqerituunut akissarsiaritinneqartut, Greenland Resources Aatsitassanullu Pisortaqarfik tusagassiutinut allapput.

Ujaqqat 1204-nik amerlassusillit katersor-

neqarsimapput, takkunanngalu 282-it misis-

sugassanngorlugit Sverige-mut nassiunne-

qarput.

Ujarassiorit 1989-mili aallartippoq.