Ujaminnanniunnissat pissanganassapput

Assammik arsarnermi BankNordik GM-qarnerani ullut aappassaa ujaminnanniunnissamut qilanaartuusiisoqarpoq. Tamatumuuna arnani NÛK aamma Nagdlúnguak sapaammi bronzennanniunnissaminnut imminnut misiligarput. Tamannalu pivoq pingasunngornermi unnukkut GSS aamma SAK arnat finalernissaannut qilanaartuuseereersut.

Unamminerup sivisunersaa Nagdlúnguak siuaqqagaluarpoq unamminerli naammassilersoq anguneqarluni. NÛK ajugaatillugu Sascha Kilimi unammineq naammassilluinnalersoq 28-27-mut isertisivoq. Maanna sapaammi ujaminnanniunnissaq sioqqullugu ullumikkut arsanngiffeqassapput.

Angutini Nagdlúnguup Ilulissaneersup aamma GSS-ip Nuummeersup unamminerat aalajangiisuuvoq. GSS-mut ajugaanikkut Nagdlúnguak finalemut anngussinnaagaluarpoq. NÛK-llu arsartuisa isiginnaartut akornanniit isiginnaarpat qanoq ingerlariaqqinnissartik allat aalajangeraat. Tassami GSS ajugaappat imaluunniit naligiiginnarpata NÛK finalemut annguttussaavoq.

GSS ajugaaoq 30-28-mik ajugaavoq taamaasilluni angutini GSS aamma NÛK finalertussanngorput bronzennanniunnermi Nagdlúnguak aamma SAK Sisimiuneersoq bronzennanniuttussanngortut.

Aajuku tallimanngornermi angusat:
Nagdlúnguak - GSS (angutit) 29-33 (12-14)
I-69 - GSS (arnat) 16-38 (9-20)
SAK - Norsaq HC (angutit) 30-28 (14-12)
Nagdlúnguak - NÛK (arnat) 27-28 (15-12)
K-33 - NÛK (angutit) 18-39 (12-18)

Aajuna arfininngornermi unamminissaq:
Nal. 17.00 GSS - K-33 herrer

Aajuku sapaammi unamminissat
Nal. 11.00 K-33 - Norsaq HC angutit (normu 5-nngorniunneq)
Nal. 12.45 NÛK - Nagdlúnguak arnat (bronzennanniunneq)
Nal. 14.30 Nagdlúnguak - SAK angutit (bronzennanniunneq)
Nal. 16.15 SAK - GSS arnat (finale)
Nal. 18.00 GSS - NÛK angutit (finale)