Ujakkaartartoq VM-imut anngutinngilaartoq

Ujakkaartartoq Niviaq Chemnitz Berthelsen Nuummeersoq Finlandimi ujakkaarnermik unammisitsinermi peqataavoq. Unammisitsinermi tassani peqataasut VM-imut anngunnissaminnut periarfissaqarput.

Sukkaniuulluni ujakkaarnermi kilomiterinik pingasunik takissusilimmik arfininngormat unammeqataavoq.  

- Unammeqataasut 40-t akornanni 28-iullunga apuuppunga. Ajugaasumit 1.9 sekundinit arriinnerullunga. Kilometerinut tallimanut sukuutserluni unammisitsisoqarnerani unammeqataasut 133-t akornanni 44-ruullunga apuuppunga, ajugaasumit 1.09 sekundinit arriinnerullunga, Niviaq Chemnitz Berthelsen Sermitsiaq.ag-mut oqarpoq.

Niviaq Chemnitz Berthelsen Sekundinik arfinilinnik sukkanerulaarluni apuusimagaluaruni VM-imut Sverigimi aappaagu februarimi pisussamut anngussimassagaluarpoq.  

VM-imut angunnissamut januarip tangaanut suli periarfissaqaraluartoq Niviaq Chemnitz Berthelsen unammeqataaqqikkallassanani oqarpoq.

- Takorluugara angorusukkaluarlugu aningaasat peqqutigalugit peqataaqqissinnaannginnera soorunami uggornarpoq , Niviaq Chemnitz Berthelsen oqarpoq.

Taassuma Royal Actic Linemit angojoqqaaminillu tapersersorneqarnini qujamasuutigaa. Niviaq Chemnitz Berthelsenip Sermitsiaq.ag-mut oqaatigaa Elite Sport Greenlandimit taperserneqarsimanani.