Ujajaasut pineqaatissinneqarput
Ilulissani Hotel Hvide Falkimi septemberip ulluisa 16-ianni ujajaasut ippassaq pineqaatissinneqarsimasut, Ilulissani politiit nalunaarput.
Ujajaasut 24-inik 26-inillu ukioqarput.
Ujajaanermi ujajaasut kiinarpaqarsimapput, illuinnarsuummik gasimik aallartaatilimmik qunusaarisimallutik, arnarlu hotelimi saqisutut sulisoq silittumik nipittartulersoriarlugu 20.000 koruunit karsimiit tillillugit. Sulisulli allap ajortoqarneranik pasitsanneratigut tilliniat paasisaapput, arnap saqisup tillinniat immaqa unitsinniaraluarlugit kamaatilersimapput, taamaasereermalli ujajaasut qimaallutik.
Nunatsinni pissutsit eqqarsaatigalugit ujajaaneq sakkortoorujussuartut isigineqarpoq, Ilulissani politiip Abia Ottosenip nuannaarutiginerarpaa pisoq taama sukkatigisumik naamassineqarmat. Angutip inuusuttut ukiut marluk isertitsivimmiittussanngortitaapput.
Ujajaasut eqqartuussut suliassanngorteqqinniarpaat.
