Ujagaq: Naalakkersuisunut siulittaasuusaartussaq
TV-kkut isiginnaagassiaq Christiansborgimi pisuusaartinneqartussaq piareersarneqaleruttorpoq, tassungalu atatillugu angummik kalaallisut qallunaatullu oqalussinnaasumik, 35-t 50-illu akornanni ukiulimmik, Danmarkip Radioa ujaasivoq.
Naalakkersuisutullu siulittaasuusaarnissaq nalunarpallaarsimagunanngimmat, isiginnaartitsisartutut misilittagaqarnissaq piumasarineqanngilaq.
Misilitsilluni filmiliaritinnerit DR-ip illorsuaani novembarimi decembarimilu pisussaapput, taavalu Nuummi Københavnimilu immiussinerit januaarip naanerani aallartinneqassallutik.
Naalakkersuisut siulittaasuattut filmiliaritinnissamut soqutiginnittut uunga saaffiginnissinnaapput: mael@dr.dk