Ujaasineq unitsippaat: Timmisartortartoq amerikamiu ajunaarsimassangatinneqarpoq

Timmisartuaqqap Tunumi tammaaneqartup ujarneqarnera taamaatinneqartoq, timmisartut angallannerannut ataqatigiissaarisarfik, Naviair maanna nalunaaruteqarpoq.
Allattoq Apollo Jeremiassen
septembarip 17-at 2014 08:08

Timmisartuaraq aquttualu ulluni arfinilinni ujaarineqareersorlu ujaasineq taamaatinneqarpoq. KNR.gl-imilu ullaap tungaani  allaaserineqartutut, timmisartuaqqami aquttoq amerikamiuusoq Naviairimiit uppernarsarneqarpoq.

- Timmisartuaqqap DA40-p aquttua amerikamiuuvoq, Naviairip tusagassiisartua, Camilla Hegnsborg KNR-imut oqarpoq.

AAMMA ATUARUK Aviisi: Timmisartortartoq periarfeerunneqartoq USA-meersuuvoq

Timmisartuaqqap ujarneqarnerata taamaatiinnarneqarneranut pissutaaqataasut arlaqartut, Naviairimit oqaatigineqarpoq, ilaatigut oqaatigineqarluni timmisartuaqqap aquttua ajunaarsimassasoq.

Amerikami aviisip The Forum af Fargop allaaserisai, Naviairimit uppernarsineqarusunngitsut, Camilla Hegnsborgip aamma oqaatigaa, taamaattorli aquttup ilaqutai ujaasiunnaarnermik nalunaarfigineqarsimasut oqaatigalugu.
 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq