Assi: KNR

Ujaasineq unitsinneqarpoq: Inuit marluk ujaarineqartut nassaarineqanngitsoorput

Inuit marluk umiatsiamik angalasut ujaarineqartut nassaarineqanngitsoorput

Nunatsinni politiit, Issittumi sakkutooqarfik Air Greenlandillu qulimiguulia annaasiniut inunnik marlunnik maqaasineqartunik ujaasigaluarput, ujaarineqartulli ajoraluartumik nassaarineqanngitsoorput.

-Ujaasineq unitsinneqarpoq, sumiffik annertooq ulluni marlunni ujaasiffigineqareersorlu, Gidion Quist, Kalaallit Nunaanni Politiini politikommissæri KNR-imut taama oqarpoq.

AAMMA ATUARUK Itilliup Kangaamiullu akornanni maannakkut ujaasisoqartoq

Inuit marluk, tassa angut 40-nik ukiulik arnarlu 37-nik ukiulik umiatsiamik Itillimiit Kangaamiuliarniarlutik maajip aqqarnanni unnuaqeqqalersoq aallarsimapput. Apuuffissaminnut tikinngimmata ilaqutaasunit ernumasunit politiinut nalunaarutigineqareersullu ujaasineq aallartinneqarpoq. 

Ujaasinermik unitsitsineq pillugu maqaasineqartut ilaqutaat ilisimatinneqareersut, politiit nalunaarput. 

Innuttaasut ujaasinermi peqataasimasut Kalaallit Nunaanni politiinit Issittumilu sakkutooqarfimmit qutsavigineqarput.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl