Ujaasineq unitsinneqarallarpoq
Nukappissat marluk kuugussaallutik sapaatiummat periarfeerunneqartut, ujaarineqarnerat Nanortalimmi politiit unitsiinnarallallarpaat.
Ujaasinermik politiit unitsitsigallarnerannut anorlerpallaarnera pissutaavoq, tatsimi, Nanortalimmiit kilometerinik qulit missaannik ungasitsigisumi, sarfarnerujussua ajornartorsiortitsimmat.
- Umiatsiaq pullattagaq atorlugu tatsimiikkaluarpugut, anorlerpallaarnerujussuali pissutigalugu ujaasinerput ulloq unnuarlu tulliuttoq unitsikkallarniarlugu isumaqatigiilluta, Nanortalimmi politiit ittuat, Niels Nyvang Nielsen, Radioaviisimut oqarpoq.
Ujaasineq taseq sinerlugu ingerlanneqaraluarpoq, sarfaqimmalli tatsip naqqa takujuminaappoq.
Innuttaasut kikkulluunniit Tasersuarmukassagaluarpata eqqumalluaqqullugit Nanortalimmi politiit ittuata kajumissaarpai.
Tarnip pissusaannik ilisimasalimmik Nanortalimmukartitsiniarlutik Nanortallip Kommuneani Ilaqutariinnermut Pisortaqarfiup maanna sulissutigaa. Inuusuttuaqqat inuusuttullu tammaarsimaaqataasut ilaqutaallu ikiorserniarlugit tarnip pissusaanik ilisimalimmik taqqavunnartitsinissaq
anguniarneqarpoq.
Ilaqutariinnermut Pisortaqarfimmi pisortaagallartoq, Gitte Juul, oqaaseqartinniaraluaratsigu iluatsinngilarput.
