Ujaasineq taamaatippaat
novembarip 26-at 2004 10:57
Kullorsuarmiup 45-nik ukiullip Lars Peter Thorleifsenip novemberip aqqarngannili ujarneqarnera tallimanngormat kingullermik novemberip 19-ianni taamaatinneqartoq, Upernavimmi politiit nalunaarput.
Lars Peter Thorlefsen kingullermik takuneqarpoq, Hotel Upernavimmit anisoq unnuakkut pingasut missaani tallimanngornerup novemberip tallimaata arfininngornerullu novemberip arferngata akornanni.
- Naninngilarput, pinerluttoqarsimasinnaaneranilli takussutissaqanngilaq. Qatserisartut, timmisartoqarfik aqqartartullu aamma ujaasitinneqaraluarput, nassaartoqanngimmalli ajunaarsimasutut naatsorsuupparput. Upernavimmi politiassistent Brian Rosengren nassuiaavoq.