Ujaasineq Naalagaaffimmit akilerallarneqarpoq

Takornariat marluk Estland-imeersut, sapaatip akunnerani kingullermi ulluni arlanilli Ilulissani tammaaneqaleraluartut, paarnanik imermillu inuussuteqarsimasut, ajunngitsut nassaarineqarput.

Ujaarinertup aappaa Oqaatsut ungasinngigisaani aalisartunik piniartunillu naapitaqarsimavoq, Ilulisssiaanneqarsimallunilu.

Tassani aappani sumiissinnaaneranik paasissutissat politiinut tunniussinnaasimavai, akunnerullu aappaata qeqqa qulimiguulimmik ujaarlersoqareersorlu nassaarineqarluni.

Taamaattoq aningaasarpassuarnik nalilimmik ujaasinerit ingerlanneqarput.

Nuummi politimesteri Steen Thomsen oqarpoq, ujaasineq qanorpiaq akeqarsimanersoq suli oqaatigisinnaanngikkallarlugu, ujaasinermili Air Greenland-ip qulimiguuliutai attartorneqariaqarsimapput, naalagaaffiullu aningaasartuutit akilerallarsimavai.

Takornariat politiinit apersorneqareerlutik, ullumi europamut angerlarput, takornariallu ujarneqarsimaneranni aningaasartuutit kikkunnit akilerneqassanersut, suli paasinarsinngilaq

- Aatsaat sapaatit akunneri marluk pingasulluunniit qaanguippata, ujaasisimanermi aningaasartuutit kikkunnit akilerneqassanersut paasinarsissaaq, politimesteri Steen Thomsen naggasiivoq.