Ujaarineqartumut Angumut ataataasoq: Suli neriuuteqaqaagut
-Suli neruuteqaraluaqaagut, Jens Anguteeraq Benjaminsenip angutaa Ole Gregersen oqarpoq.
Jens Anguteeraq Benjaminsen, 31-nik ukiulik ukioq kingulleq novemberip 12-ianili takuneqartoq politiit suli ujaaraat. Taassumunnga takunnissimasorisut sapaatit akunnerat kingulleq politiinut saaffiginnimmata politiit suli ujaasillutik nalunaarutigaat.
AAMMA ATUARUK Kujataa: Politiit ujarneqartoq attaveqarfigerusukkaat
Jens Anguteeraq Bemjaminsen suli nanineqanngilaq.
Novembarip 29-at 2019:
Qaqortumi politiit Jens Anguteeraq Benjaminsen, kingullermik Narsami novembarip aqqaneq aappaani takuneqarsimasoq ujaaraat.
Decembarip 20-at 2019:
Jens Anguteeraq Benjaminsen suli ujaaralugu politiit nalunaarutigaat. Narsami, Nanortalimmi Alluitsup Paanilu innuttaasut ujaaseqqullugit politiit aamma kaammattuipput. Aamma ujaarineqartoq qasoqqanerarsimasoq nalunaarutigalugu.
Marsip tallimaat 2020:
Politiit ujaasinertik ingerlatiinnarpaat, Jens Anguteeraq Benjaminsenimik Qaqortumi takunnissimasorisut politiiinut saaffiginnissuteqarmata. Saaffiginninnerit nanineqarneranik kinguneqanngillat.
Ataataasoq: Ilungersunaqaaq
Ujaarineqartumik erneqarluni erloqinarlunilu ilungersunaqisoq, Ole Gregersenip oqaatigaa.
-Ilungersunaqaaq uangaalluni, taavalu eqqarsarnaqaluni. Nikallunganeq nipaarluuneq tassunga atortarpara eqqarsarnartaqalunilu, Ole Gregersen oqarpoq.
AAMMA ATUARUK Angut 31-nik ukiulik politiinit suli ujaarineqartoq
Takunnissimasorisut politiinut sapaatit akunnerat kingulleq saaffiginnipput.
-Soorunami takuneqarsimaneragaammat tupaqaanga, tupaqqaarpunga, assullu neriuuteqaleqqillunga ajorsimannginneranik, Ole Gregersen oqarpoq.
Ujaarineqartoq qaammat ataatsip matuma siorna aningaaserivimmut Grønlandsbankenimut Qaqortumiittumut paasiniaalluni sianersimasoq, politiit ataataasoq anaanaasorlu kalerrippaat.
Bankimut paasiniaasimasoq
Paasiniaallunilu sianernera Qaqortumi politiini tusarnaarsimallugu ataataasoq anaanaasorlu oqarput.
-Tassa bankimut paasiniaasimagami. Tusarnaarparput taanaviorpaluppoq. Nipaa taannaarpaluppoq, anaanaalu tusarnaaratsigu tassaveerakasik. Tuppalliallannarpoq tassuunaatigut aamma tusaallugu, taannaviorpalukkami.
AAMMA ATUARUK Qaqortumi politiit angut ujaarineqartoq pillugu: Quisi illukulluunniit misissorsigit
Oqarasuaatikkulli oqaluussineq immiussaasimasoq ilumoornersoq uppernarsiniarlugu politiit oqaaseqartinniaraluarpagut. Tamannalu oqaaseqarfigisinnaanginnerarpaat.
- Politeeqarfimmiit tusarlerneqarnissarput massakkut uteqqiinnaleqqavarput. Tassa ujaasineq ingerlavoq suli, ingerlaqqikkallarpoq. Taava nalunaarfigineqassaagut ujaasineq naammatsippassuk, aammami qaammatit sisamat sivisugamik.
Jens Anguteeraq Benjaminsen ima nassuiaatigineqarpoq:
Angut kalaaleq, 31-nik ukiulik, centimeterit 170 175-illu akornanni angissuseqarpoq. Nalinginnaasumik nerinnangajassinnaasumillu isikkoqarluni, qernertunik akunnattunillu takissuseqarlinnik nujaqarpoq. Ujaarineqartoq kajortunik iseqarpoq, naatsunik umeqassangatinneqarluni qaamilu talerpiatungaani qileroqarluni. Kingullermik takuneqaramarmi qaqortumik jakkeqarpoq, koorpunik tungujortunik qarleqarluni.