Ujaarineqartoq nammineerluni politiinut saaffiginnippoq

Angut 30-ngajannik ukioqartoq politeeqarfimmut nammineerluni saaffiginnippoq, sisamanngornermi ullaassakut biilinik ajutoortoqarneranut atatillugu ujaarineqarnerata kingorna. Ajutoortoqarmat arnaq ajunaarpoq.
Inuit sisamat biilinik ajutoortoqarnerani aqqunartiterput napparsimmavimmukaanneqarlutillu. Arnaq aqusersimanni pillugu kingorna toquvoq. Arkivfoto. Assi © : KNR
oktobarip 17-at 2019 15:15

Nuup ilaani Nuussuarmi unnuaq biilimik ajutoortoqarmat arnaq biilimut ilaasoq ajunaarpoq.

Biilimik ajutoortoqarmat  biili tallimanik ilaasoqarsimavoq.

Ajutoortoqarnera pillugu Nuummi  politiit unnuaq  nalunaaqutaq marlunut tanneq aqqaninngulersoq kalerrinneqarput.

Biilimi ilaasut sisamat aqqunartitersimasut napparsimmaviliaanneqarput. Taakkunanilu ilaasoq arnaq toqulluni. Arnamut ilaqutaasut kalerrinneqareerput. Ilaasut sinneri pingasut inuunerminnik navianartorsiunngillat.

Politiit siusinnerusukkut nalunaaruteqarnerminni biilip ajutoornerani angut 30-ngajannik ukiulik biilimut  ilaasoq politiit  ujaarisaat taanna nammineerluni politiinut saaffiginnissimasoq,  taannalu killisiorneqassasoq politiit tusagassiuutinut nalunaaruteqarlutik taama allappoq.

Pineqartoq pillugu politiit annertunerusunik paasissutissiisinnaanngillat.