Ujaarineqartoq ajunngitsoq nassaarineqarpoq
Emil Biilmann Maniitsumeersoq politiit tallimanngormalli ujaarisaat ajunngitsoq nassaarineqarpoq.
Allattoq Louise M. Kleemann
Emil Biilmann Maniitsumiit tallimanngornermi 6. juni aallarpoq. Sap. akunnerata tulliani tallimanngornermi tikinngimmat ilaqutaasa politiinit ujartilerpaat.
Emil Biilmannili aalisariaannarsimavoq Maniitsumullu arfininngornermi nal. arfinermut tikilluni – ujarneqarlunilu nalullugu.
Aalisariarniaraanni ilaquttat qanigisallu erseqqissumik isumaqatigiissuteqarfigineqartarnissaat politiit kajumissaarutigaat.