Uippakajaarneq siutinilu siorsuppaluk imminnut attuumassuteqarsinnaapput
Tinnitus tassaavoq siutini siorsuppalunneq avataaniit takkuttuunngitsoq.
Taakkua marluk imminnut attuumassuteqarnerat svenskit Karolinska Institutimi kiisalu Storckholmip Universititani uippakkajaarneq pillugu institutimi misissuinerannit paasineqarpoq.
- Paasisagut malillugit misissuinerput asseqanngilaq. Misigissutsikkut nukillaarsimallutik misigisimasut siutimikkut siorsuppalummik nalaataqarnissaat marloriaammit annerusumik qaninnerusartoq misissuinerup takutippaa. Tamanna ilimagiuaannarsimavarput, maannalu taamaattoqarneranut takussutissaqalerluta, Dan Hansson Karolinska Institutimi docenti svenskit aviisiannut Sydsvenska Dagbladimut oqarpoq.
Siutini siorsuppalunnerup uippakajaarnerullu attuumassuteqarnerisa paasineqarnerata inernerinngilaa uippakajaarneq siutini siorsuppalummut aallarniutaasartoq.
- Maannakkut oqaatigineqarsinnaanngilaq suminngaanniit peqquteqarnersoq. Ilimanarnerpaavorli illuatungaa atugarigaanni aamma illuatungaa atorneqartartoq. Tassa inuit siutini siorsuppalummik atugaqartut aamma uippakajaarnissaminnut qaninnerusartut, Dan Hansson oqarpoq.
