Nanortalimmi politiit aningaasarsiffimmi assut ulapissimapput.
Nanortalimmi politeeqarfimmi pisortaasup Niels Nyvang Nielsenip oqaatigaa.
Sisamanngornerup tallimanngornerullu unnuaani arnap 30-nik ukiullip uini savimmik sisamariarlugu kapisimavaa, aappariinnermi aaqqiagiinngissutit pissutigalugit. Arnaq 30-nik ukiulik sapaatip akunnerini sisamani tigummigallagassanngortinneqartoq Niels Nyvang Nielsen ilisimatitsivoq.
Angut napparsimavimmi mattusersorneqareerluni nakkutigineqareerlunilu angerlarsinnaasimavoq, inuuneralu navianartorsiorani.