Uiloq naarlukkaluarluni VM-imi unammilluarpoq

Uiloq peqataasut allarpassuit assigalugit Koreap kujataani illoqarfimmi VM-erfiusumi unammiffissap unnuaani naarluppoq.

-Tamannali ima ajortiginngilaq 15 km-imik arpannissaq aallartinniarlugu aalajangerama. Eqqarsarpungami tassa VM-imi arpanneq kingulliusoq, 15 km-imillu isorartutigisumi ooqattaasarneq pingaarnerpaajusoq, tamannalu eqqarsaatigeqqissaarpara, naak naarlunnera pissutigalugu aqqutissaq imaannanngikujukkaluartoq, Uiloq Slettemark oarpoq.

Ooqattaasarnerlu Uilumut ingerlalluarpoq. Uniorani ooqattaasagassat marluusut tamaasa eqqorpai, tamannalu arpaqataasut allat 17-iinnaat taamaallaat anguaat. Nikorfarmik ooqattaasarnerit taama iluatsitsiginngillat, ilimagineqartutullu aqqutit kigaalaffiupput, Uiloq Slettemarkilu peqataasunit 107-iusunit nr. 92-iulluni apuulluni. Anguniagaa tulleq tassaavoq aappaagu Canadami ukiuunerani OL-ernermi piukkunnarsarnissaq.

Unammeqataasup aappaa, Miillaaraq Lennert, aamma naarlunnermit eqqugaavoq VM-eqarneranilu aappassaanik unamminermi uniinnartariaqarluni.