Canadami ufonik takusoqarpiassaarpoq, immaqaluunniit Canadamiut ufonik soqutigisaarussimanerpat?
Canadami ufonik takusartut nalunaarsorneqartarput, nalunaarsukkallu misissoraanni ufonik takunnittartut ukiuni kingulliunerusuni ikiliartuinnarsimapput, aviisi Canadian Press taama allaaserinnippoq.
Canadami ufot 882-it 2004-imi takuneqarsimapput, siornalu 769-it takuneqarsimallutik. Canadami nunap immikkoortua Ontario ufonik takunniffiunerpaasarpoq, Nunavullu takunniuffisimanngivilluni.
Canadian Press allappoq inuit avannarpasinnerusumiittut kujasinnerusumiittunut naleqqiullutik ufonut tunngasunik upperisaqannginnerunerat aamma malunnartoq.