Politikki Kulturi

Uffe Ellemann-Jensen naalagiutigigaat

Danmarkimi nunanut allanut tunngasunut ministeriusimasoq partiimilu Venstremi siulittaasuusimasoq, Uffe Ellemann-Jensen, Københavnip qeqqani oqaluffimmi Holmens Kirkemi ullumi marlunngornermi naalagiutigineqarpoq.

Allattoq Ritzau, Helle Nørrelund Sørensen

juunip 28-at 2022 11:07

Nutserisoq Hanne Petersen, Jaaku Lyberth

Inuit 300-t missaat Uffe Ellemann-Jensenip naalagiutigineqarnerani najuupput. Uffe Ellemann-Jensenillu naalagiutigineqarnissi juunip ulluisa 18-ianni toqunissi sioqqullugu nammineq pilersaarusiorpaa.

Politikkimik kulturilerinermillu suliallit nuimasut amerlasuut naalagiussinermi peqataapput. Baltikumimilu nunat soorlu Estlandip, Letlandip Litauenillu aallartitaat peqataasunut ilaapput.

AAMMA ATUARUK Uffe Ellemann-Jensen er død

Uffe Ellemann-Jensen Baltikumimi nunat Berlinip qarmarsuaarunnerata kingorna piorsaaqqinnissamik ilungersuuteqarsimanera pillugu immikkut isiginiarneqartarpoq.

Kunngikkormiut tassa dronning Magrethep, kunngissap Frederiup nuliatalu, prins Joachimip nuliatalu aamma prinsesse Benediktep nigaliliartaliissutaat sisamat Uffe Ellemann-Jensenip illerfiata eqqaani takuneqarsinnaapput.

AAMMA ATUARUK Politikerit Uffe pillugu: Kalaallit Nunaat kalaallillu ikinngummik annaasaqarput

Uffe Ellemann-Jensenip nersornaatisiaralugit saqqarmiui akisaasamut kappunneqarsimasut illerfiata qaavani takuneqarsinnaapput. Uffe Ellemann-Jensenip arsai iliveqarfimmi Ordrup Kirkegårdimi ilineqassapput.

Uffe Ellemann-Jensenip 80-inik ukioqarluni toqusup nuliani Alice Vestergaard, qitornani sisamat ernuttanilu qulit qimatarai.

Uffe Ellemann-Jensen naalagiutigigaat

Aamma atuaruk