EM-ip kinguartinneqarnera assigiinngitsutigut kinguneqassaaq, Europamimi nunani assigiinngitsuni klubbit unammiuaarnerat unitsikkallarneqarnikut taamaasillutik nanginneqarsinnaanngorsinnaapput, nunallu tamalaat akornanni unammiuaarnerit Champions League Europa Leaguelu naammassineqarsinnaassallutik.Assi: David Klein/Reuters/Ritzau Scanpix

Uefap isikkamik arsaalluni Europami pissartanngorniussaq kinguartikkaa

Isikkamik arsaalluni Europami pissartanngorniunnissaq, aasaru pisussatut pilersaarutigineqaraluartoq, aappaagumut 2021-mut kinguartinneqarpoq. Isikkamik arsaattartut Europami kattuffiat UEFA taama nalunaaruteqarpoq.

Juunip ulluisa aqqaneq-aappaanniit juulip ulluisa aqqaneq-aappaata tungaanut arsaalluni EM-ertoqartussaagaluarpoq, nunani assigiinngitsuni aqqaneq-marlunni unammiuaartoqartussaagaluarluni.

Københavnimi Parkenimi sisamariarluni unammisoqartussaagaluarpoq.

AAMMA ATUARUK Uefap Europami unamminissat tamarmik kinguartikkai

Coronavirusilli tuniluutilertunnginnissaa pillugu EM ukiumik ataatsimik kinguartinneqarpoq.

EM-ip kinguartinneqarnera assigiinngitsutigut kinguneqassaaq, Europamimi nunani assigiinngitsuni klubbit unammiuaarnerat unitsikkallarneqarnikut taamaasillutik nanginneqarsinnaanngorsinnaapput, nunallu tamalaat akornanni unammiuaarnerit Champions League Europa Leaguelu naammassineqarsinnaassallutik.

AAMMA ATUARUK Premier Leaguemi unamminerit unitsikkallarneqartut

Isikkamik arsaalluni EM-ernissap kinguartinneqarnissaa ilimagineqareersimavoq, nunanimi assigiinngitsuni ligat unammiuaarnitik qanoq isillutik naammassisinnaassaneraat ilaatigut apeqquserneqartalermat.

Isummersuutit