Isikkamik arsaalluni Europami kattuffiata suiaaqatinoortunut uumissuinermut akerliunertik arlaleriarlutik takutittarpaat.Assi: Robin Utrecht/AFP/Ritzau Scanpix

Uefap erfalasut qalipaasersorneqarsimasut EM-etoqarnerani itigartitsissutigaat

Münchenimi oqartussat Ungarnimi innuttaasut qinigaannut akerliullutik taamaaliornissaminnut qinnuteqaraluarput.

Tyskit arsaattartui Ungarnimut pingasunngorpat unammilerunik arsaattarfiup ilua suiaaqatinoortut erfalasuattut qalipaasersorneqarnissaanik piumasaqaataat Isikkamik arsaalluni Europami kattuffiannit (Uefa) itigartinneqarpoq.

Ungarnimi ministeriunerup Viktor Orbánip, Ungarnimi ilaqutariit meeqqallu illersorniarlugit suiaaqatinoornermut tunngasut tamaasa inerteqqutinngortippai.

AAMMA ATUARUK Ungarnimiut tuusintilikkuutaat suiaaqatigiittarnermut inatsisissatut siunnersuut akerlerigaat

Isikkamik arsaalluni Europami kattuffiata suiaaqatinoortunut uumissuinermut akerliunertik arlaleriarlutik takutittarpaat, taamaakkaluartoq Münchenimit piumasarineqartoq toqqaannartumik Ungarnip naalagaaffianut akerliunermik takutitsiniarnerummat politikkimullu attuumassuteqarmat itigartitsissutigineqartoq, arsaattartut tusagassiisartuat Kicker ilisimatitsivoq.

Qallunaat isikkammik arsaattartuat Christian Eriksenip uummamminik unittoornerata kingorna unamminerup kinguartinneqannginnera pillugu Isikkamik arsalluni Europami kattuffiat kingullermi isornartorsiorneqarpoq.

Tyskland Ungarnilu Münchenimi pingasunngorpat tallimanut unammissapput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat