VIDEO Demokraatit qinigassanngortitaallu
Kiffaanngissuseq pisussaaffiliivoq, Demokraatit qinersinermissamut anginiagassatut pilersaarutaanni tamanna pingaarnertut oqariartuutigineqarpoq.
- Aalajangiisartutut aningaasat atugassarititaasut atornissaannut kiffaanngissuseqarpugut, kiffaanngissuserlu taanna pisussaaffiliivoq.
Demokraatit pillugit allaaserisat kingulliit uani atuarneqarsinnaapput
- Demokraatit namminersorlutik inuussutissarsiuteqartut pitsaanerusunik atugaqalernissaannut aningaasanik atuerusuppugut. Ingerlatseqatigiiffinnut akileraarut appartinniarparput nalikilliliinissamullu periarfissat pitsanngorsarlutigit. Tamanna innuttaasut aningaasaataannik silatusaartumik atuinertut isigaarput, annertunerusumillu naammassisaqarnissamik suliffissanillu amerlanerusunik pilersitsiffiussammat. Inuit akileraarutaasigut isertitat amerlissapput pisortallu ikiorsiissuteqartarnerinut aningaasartuutit ikilisinneqassallutik, partiip siulittaasua Anda Uldum taama allappoq.
Demokraatit aallartinneqarput partiitut paarnaaqqasuunngitsunik isumalittut pingaartillugit inuutissarsiutit atugaasa pitsanngorsarnissaat, ilinniartitaanerup nunarsuup sinnerani pitsaassutsimut unammillersinnaanngortinnissaa kiisalu inunnik isumaginninneq nukittooq, ajornartorsiutillu angisuut aaqqiiviginiarneqartuartussat. Facebookimi qupperneranni ilaatigut taama allaqqasoqarpoq.
Partii 2002-mi Inastsisartunut qinersinermi inissat 31-t akornanni inissat tallimat pissarsiarivai. Qinersinerup tulliani 2005-imi partiip ilaasortaatitai ilaqqipput 7-lerlutik.
Demokraatit pillugit paasissutissat
Pilersinneqarfia: 2002
Siulittaasoq: Anda Uldum
2013-imi qinersineq: Qinersisut 6,2 procentiisa Demokraatit qinerpaat partiillu Inatsisartunut isertitai marluk illuatungiuliuttunut ilaapput.
2009-mi qinersineq: Qinersisut 12,7 procentiisa Demokraatit qinerpaat, IA (43,7) Kattusseqatigiillu (3,8) naalakkersuisooqatigiinnissamik isumaqateqarfigaat.
2005-imi qinersineq: Demokraatit qinerneqarnerpaat tulleraat qinersisartut 22,6 procentiisa qinermassuk, illuatungiliuttutulli inissipput Siumut (30,4), IA (22,4) Atassullu (19,0) naalakkersuisooqatigiilermata.
2007-p tungaanut Per Berthelsen siulittaareerluni immikkut ittumik ataatsimeersuarnermi qinersinerup kingorna Jens B. Frederiksenimit taarserneqarpoq.
Junimi 2009-mi qinersinerup kingorna partii 4-nik ilaasortaatitaqarlerpoq. Demokraatilli siullerpaamik Naalakkersuisooqatigiinnissamik suleqatigiinnissamik isumaqatigiissummik atsioqataapput Inuit Ataqatigiit, Kattusseqatigiillu peqatigalugit. Marsimi 2013-imi Inatsisartunut qinersinermi Demokraatit marlunnik Inatsisartuni issiatitaqalerput. Demokraatit ulloq manna illuatungiliuttuupput.
Demokraatit nittartagaat uani takuuk.
Demokraatit 2014-imi qinigassanngortitaat:
Nuuk:
Andreas Rene Uldum (siulittaasoq)
Nivi Olsen
Tillie Martinussen
Michael Nicolaj Rosing
Karl Peter Herlufsen
Aviaja Neumann Sinkbæk
Panìnguak´ Rosbach Herlufsen
Karen Kleemann
Poul Hansen
Karen M. Lynge
Torben S. Lynge
Randi V. Evaldsen
Ilulissat:
Klara Jakobsen
Tasiilaq:
Justus Hansen
Gerda Vilholm
Esben Skytte Christiansen
Sisimiut:
René B. Caspersen
Kasper Lunddal Simonsen
