UCI: Sukkanerpaamik inerniliisoqartariaqarpoq
Cykelerluni sukkaniuttarnerit nunarsuarmi sakkortunersaattut taaneqartartumi Tour de France-mi ukioq manna ajugaasup, Floyd Landis-ip, pissassaatinik inerteqqutaasunik atuisimanerannut tunngatillugu misissuut b-prøvemik taaneqartartoq sukkanerpaamik ingerlanneqartariaqartoq, nunarsuarmi cykelerlutik sukkaniuttartut kattuffiata – UCI-p piumasaraa.
Misissuinerup suliarineqarnerata sivisuallaamik ingerlanneqarsinnaanissaa cykelerluni sukkaniuttarnerup innarlerneqarsinnaanissaa, UCI-p annilaanngatigaa:
- Tamanna pissutigalugu misissuisartut Chatenay-Malabry piumasaqarfigaagut misissuinissaq sukkanerpaamik ingerlattaqaraat, UCI-p oqaaseqartartuat nutaarsiassaqartitsivimmut Ritzauimut oqarpoq.
Pissassaatinik inerteqqutaasunik atuisimannginnini Floyd Landisip oqaatigiuarsinnarpaa.
