U20-mi unammisartut nukkassaatitortarnermut misissorneqarput

Arnat arsarlutik nunanut allanut unammisartut, U20, nunarsuaq tamakkerlugu pissartanngorniunnissamut peqataajartorlutik Korea Kujallermukarlutik ullumi aallassapput. Danmarkimiinnerminni nukkassaatitortarnermut akiuiniartunit misissorneqarput.
juulip 15-at 2010 05:21

Arnat aallarnissamik tungaanut Danmarkimi Baunehøjimi sungiusarput, nukkassaatitortarnermullu Danmarkimi akiuiniartut, Anti-Doping Danmark, marlunngormat takkupput, arsartartullu marluk taamungaannaq misiliummik tigusiffigalugit.

Tamannali ajornaatsuinnaanngitsoq paasinarsivoq. Aili Pedersen Najaja Lyberthilu immikkoortinneqarput, quuminnik tamarmik immikkut tunniussissallutik. Naalakkerneqarlutilli quinissartik ajornakusoortippaat.

Taamaammat nalunaaquttap akunnerisa pingajuat avillugu quiniarsaripput, imermillu 4½ liiterimik aatsaat imereeramik quuminnik tunniussisinnaanngorput. Kalaallit Nunaanni Timersortartut Kattuffiat tusagassiuutinut taama allappoq.

Misilitsinnerup inerneri VM arfininngorpat aallartinneqartinnagu misissorneqarlutik naammasseriissapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq