U-21 Buenos Airesiliarput

Angutit kalaallit inuusuttut U-21-t assammik arsarluni Amerikap nunavittaani unammersuarnernut peqataajartorlutik Argentinami Buenos Airesip tungaanut ingerlaarput.
apriilip 11-at 2009 13:28

Unammersuarnissat aamma tassaapput nunarsuaq tamakkerlugu pissartanngorniunnissanut anngunniunnerit, taakku Egyptenimi aggustimi pissapput.

Nunanut allanut unammisartut Kastrupimiit Madridiliarlutik ippassaq aallarput, pilersaarutillu malinneqartuuppata aamma Argentinamukarlutik aallareertussaagaluarlutik. Timmisartulli orsersornissaa ajornartorsiutigineqarmat, taavalu radariminik aamma ajornartorsiuteqalerluni, unammiat ippassaq aallanngitsoorput.

Unammiat Buenos Airesip tungaanut aatsaat ullumikkut aallarput, Argentinamullu sungiusaatigalugu aqagu unnukkut unammissallutik.

Assammik arsarluni Amerikap nunavittaani unammersuarnerit marlunngorpat aallartissapput, angusilluarnerpaallu pingasut nunarsuaq tamakkerlugu Cairomi pissartanngorniunnissanut toqqagaassapput.

Angalasut pisortaat, Kurt Lauritsen, oqarpoq, unammiat tamarmik ajunngitsut.

Kalaallit Nunaanneersut marlunngorpat unammissavaat Brasilia, uagut nalunaaqutarput malillugu nalunaaqutaq ualikkut arfinermut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq