U-15-t pissartanngorniutiviinnaleqaat
Inuusuttuaqqat U-15-it assammik arsarlutik nunatsinni pissartanngorniunneranni ullumi pissartanngortivittoqarpoq.
Allattoq Najaaraq Egede
Assammik arsarneq Nuummi Inussivimmi ingerlanneqartoq ulloqeqqanut aallartipput, 5-6-inngorniuttuullutik nivissani Kâgssagssuk aamma Norsaq HC. Ataatsimut nukappissat Nagdlúnguaq SAK-lu unammipput.
Maannalu Nivissat NÛK aamma Nagtoralik bronzennanniupput.
Tulliussapput nukappissani Kâgssagssuk Norsaq HC-lu.
Finalertut siulliit nivissani GSS aamma SAK sisamat qaangerlugit tanneq pingasunut aallartissapput, nukappissanilu GSS NÛK-llu arfernup qeqqanut unammissallutik. Pissartanngorniutivinnerit taakku Kalaallit Nunaata Radioagut toqqaannartumik aallakaatinneqassapput.
Nalunaaqutaq arfinernut ujaminnatsitsisoqassaaq.