Tûgdlimmi sulisut unnerluutigineqassanngillat
Meqqanut inuusuttuaqqanullu ulloq unnuarlu angerlarsimaffimmi namminersortumi matusimalereersumi, Tûgdlimmi, inissinneqarsimasunut, persuttaasoqartarsimaneraalluni sioorasaarisoqartarsimaneraallunilu Namminersorlutik Oqartussat nalunaarutiginnissutaat tunngavigalugit politiit misissuinertik naammassivaat.
Allattoq Jens Thorin
maajip 31-at 2012 10:50
Politiit aalajangerput, Tügdlimmi sulisuusimasut arlaannilluunniit unnerluussiniaratik.
- Suliaq pinerluttulerinermut tunngasoq eqqartuussinermik inerneqassappat, unnerluussisussaatitaasut nalornissutigineqarsinnaanngitsumik uppernarsartariaqarpaa, unnerluunneqartut unnerluunneqaatigisaminnik pinerlussimasut. Kalaallit Nunaanni politiit matumani naliliipput, tamatumani uppernarsaatit naammanngitsut. Unnerluussisuunerugallartoq Helle Olesen tusagassiutinut ullumi taama allappoq.
Tûgdlimmi pissutsit isornartulipisussuusutut oqartussat nalileereersullu, Tûgdliup ulloq unnuarlu angerlarsimaffitut akuersissutaa Nammilersorlutik Oqartussat siorna atorunnaarsippaat.
