Tønnes Berthelsen: suliffinni sulinera nalilersoqqittariaqassavara

Arctic Green Food-ip tunisassiorfii katillugit 13-it Royal Greenland-imut Arctic Prime Fisheries-imullu tunineqaqqammerput, Arctic Green Foodillu pisortaa Tønnes Berthelsen Arctic Green Food-imi sulinini nalilersoqqittariaqassallugu oqarpoq:

Tunisassiorfiit katillugit qulit Royal Greenlandimut tunineqarput, pingasullu Arctic Prime Fisheries-imut tunineqarlutik.

Arctic Green Foodip tunisassiorfii 25-iusimariarlutik taamaasillutik aqqaneq-marluinnanngorput.

Arctic Green Foodip tunisassiorfiisa affaannanngornerisa kingunerisaanik, Arctic Green Foodimi pisortatut sulineq unammillernarpallaarunnaartoq, pisortaata Tønnes Berthelsenip oqaatigaa:

- Tunisassiorfiit affaannanngornerisa kingunerisaanik suliffik unammillernarpallaarunnaarpoq. Uanga unammilernissamik nuannarisaqartuuvunga, unammillernartumillu suliffittaarsinnaanissannik periarfissaqalissagaluaruma soqutiginnissinnaassaanga, Tønnes Berthelsen radioaviisimut oqarpoq.

Tunisassiorfiit sinneruttut Namminersornerullutik Oqartussanut kiffartuussinissamik isumaqatigiissut malillugu ammatinneqassapput, soqutiginnittoqassagaluarpalli aamma tunineqarsinnaassallutik.

Kiffartuussinissamik isumaqatigiissutit ukioq manna naatinnagu

isumaqatigiinniutigineqaqqittussaapput