Tønnes Berthelsen Nukami pisortanngussaaq

Nuka A/S immikkut ittumik ataatsimeersuarnermi kingorna kina Nuka A/S-mi pisortanngornersoq pisortatigoortumik avammut nalunaarutigaa, KNI Pilersuisumilu siulersuisuaneersumik ilaasortaqalerput.

KNI-p siulersuisuini maanna siulittaasoq Tønnes Berthelsen Nuka A/S-mi pisortanngortinneqarpoq.

Pisortanngortoq Tønnes Berthelsen oqarpoq pingaarnertut suliassarigini Nuka A/S-ip qullersaqarfiata Nuummiit Maniitsumut nuunniarnissaa, qularinngilaalu qullersaqarfik nutaaq ingerlalluassasoq. Piffissami kingullermi Nuka A/S-mi paatsiveerusimaarneqaraluartoq Tønnes Berthelsenip suliassaq ernumaginngilaa.

- Unammillernermut sungiussisimasuuvunga, tunisassiornissarlu upperaara. Isumaqarluinnarpunga tunisassiassat imaaniit qaqinneqariartut pitsaasunik sukkasuumillu tunisassiorsinnaalissalluta, Nuka A/S-mi pisortartaaq oqarpoq.

Tønnes Berthelsen aningaasarsiornermut, pilersaarusiornermut ingerlatsinermullu ilinniagartuujuvoq, februaarillu aallaqqaataani pisortatut atorfini aallartissavaa. Maanna Kalaallit Nunaanni Aalisartut Piniartullu Kattuffianni KNAPK-mi pisortaagallartutut atorfeqarpoq, atorfittaanilu pissutigalugu KNI Pilersuisumi siulersuisuni ilaasortaanerminit tunuarpoq.