Tysklandip killeqarfii juunip ulluisa 15-ianni ammassasut
Tysklandip nunanit EU-mut ilaasortanit, Tuluit Nunaannit, Islandimit, Norgemit, Liechtensteinimit Schweizimillu Tysklandimut angalaqqusinnginnera juunip ulluisa 15-ianni atorunnaarsinneqassasoq, tyskit nunanut allanut tunngasunut ministeriat, Heiko Maas, oqarpoq.
Ullunili 14-ini angerlasimaannaqqusaaneq atuutsillugu Tuluit Nunaannut angalannginnissap suli inassutigineqarnissaa malittarisassani erseqqissatigineqassasoq, Maas oqarpoq.
Coronavirusili tunillaassuuteqqilisssappat Tysklandimut angalaqqusaannginneq atuutilerseqqissinnaasoq, Maasip aamma erseqqissaatigaa.
AAMMA ATUARUK Savalimmiut takornariartitsinermut pisortaat Danmarkimut: Uaguttaaq nunarsuarmioqataagaluarpugut
Tyskit naalakkersuisui nunanut EU-mi ilaasortaanngitsunut tunngatillugu pisut aallaavigalugit aalajangernissaminnut utaqqimaarlutillu nalilersuissapput.
Tyskit ingammik Tyrkiamut feeriartarfiginerpaasartakkaminnut angalaqqissinnaalernissaminnut erinisupput.
Tyskland Europami nunani innuttunerpaavoq, Europamili nunanut allanut sanilliullugu coronavirusimut attuumassutilimmik toqquteqarfiunnginnerpaalluni.
